ब्रेकिंग

विदेश

स्थलांतरितांवरील छापे थांबवावेत

Wrutuja pandharpure
13 Jun 2025

लॉस एंजेलिस महापौरांची ट्रम्प सरकारला विनंती

लॉस एंजेलिस : ट्रम्प प्रशासनाने स्थलांतरितांविरुद्ध सुरू असलेले प्रचंड छापे थांबवावेत अशी मागणी लॉस एंजेलिस परिसरातील अनेक महापौरांनी एकत्र येऊन केली आहे.या कारवाईमुळे शहरांमध्ये भीती पसरली असून, देशभर निदर्शने सुरू झाली आहेत. मात्र, अध्यक्ष डोनाल्ड ट्रम्प महापौरांच्या या मागणीकडे लक्ष देण्याची शक्यता कमी आहे. महापौर आणि नगर परिषदेच्या सदस्यांनीही ट्रम्प प्रशासनाला छाप्यांदरम्यान बेकायदेशीर स्थलांतरितांची निदर्शने थांबविण्यासाठी सैन्य तैनाती रोखण्याचेही आवाहन केले आहे.

लॉस एंजेलिसमध्ये रात्रीचा कर्फ्यू

पॅरामाउंटच्या उपमहापौर ब्रेंडा ओल्मोस म्हणाल्या, आम्ही विनंती करतो, कृपया माझे ऐका, आमच्या भागातील रहिवाशांना घाबरवणे थांबवा. लॉस एंजेलिसच्या महापौर आणि डेमोक्रॅटिक पक्षाच्या नेत्या करेन बास म्हणाल्या, व्हाइट हाऊसच्या आदेशानुसार छाप्यांद्वारे भीती पसरवली जात आहे. मंगळवारी लॉस एंजेलिसमध्ये रात्रीचा कर्फ्यू सुरू झाला जो शहराच्या २.५ चौरस किलोमीटर परिसरात आवश्यकता असेेपर्यंत लागू राहील. लॉस एंजेलिस क्षेत्र अंदाजे एक हजार २९५ चौरस किलोमीटरचे आहे. जर छापे सुरूच राहिले, आणि सैनिक आपल्या रस्त्यावर तैनात राहिले, तर मला वाटते की कर्फ्यू सुरूच राहील, बास म्हणाले.